La pynbha bad plie iaka dukan die dohkha ha Iaw Shyiap Jowai
Ka Jowai Presbyterian Church, Market Management Committee kala plie ïaki dukan die dohkha ne Fish Retail Outlet kaba la pynbha thymmai ha Iaw Shyiap, Jowai haka sngi Palei.
U Kongsan Deputy Director ka tnad Fisheries ka jylla, u Ma J Suchiang ula plie paidbah ia kane ka jaka die dohkha. Iaka jingïalang lyngkot la pynïaid da u Rev. E Nongpluh Chairman ka JPC Market Management Committee.
La donlang u Superintendent of Fishery, West Jaintia Hills u Ma R Rymbui bad kiwei ki rangbah nongïalam ka Balang Jowai Presbyterian Church.
Ïaki dukan la tei haka jinglut kaba 6 lakh tyngka ha kaba 4 lakh tyngka la ïarap na ka Balang bad 2 lakh na ka tnad Fishery lyngba ka Blue Revolution.
Ha kine ki dukan dohkha la buh ïaki freezer, ki pyrla, ki synduk buh dohkha, ki jaka sait khnang ban wanrah ïaka jingkhuid jingsuba ha kine ki dukan.
Kum kine ki jait dukan ki don ha Wahiajer bad Jowai ha Iaw Shyiap bad ka Iew CNI.
Facebook
Instagram
Youtube
Twitter
Leave a Reply