La pynbna iaka tarik Behdieñkhlam ki Soo Langdoh, pynkup burom iaki nongialam niam
Ka Dorbar Soo Langdoh kaba long haka sngi Nyngkong ha Madan Lariang, Madan Soo Langdoh, Ialong kala pynbna iaka tarik Behdieَñkhlam jong ka Raij Chyrmang, Jowai, Tuber bad ka Ialong.
Ha kane ka Dorbar, ki Soo Langdoh ba kynthup ia u Kongwasan Langdoh Chyrmang, Langdoh Jowai, Langdoh Tuber bad Langdoh Ialong kila pynbna iaki tarik Shad Niam Behdieñkhlam jong u snem 2022. Ka Behdieñkhlam haka Raij Chyrmang kanlong haka 1 tarik Jymmang, ha Raij Jowai ha u bnai Naitung (July) 14 tarik, ka Raij Tuber haka 22 tarik u Naitung (July) bad ka Raij Ialong 7 tarik u Nailar (August).
Shuh Shuh ha kane ka dorbar Soo Langdaoh la pynkup burom ruh iaki njongsharai niam ki Soo Langdoh kiba la bat iaka kam haduh 15 snem lynter.
U Dolloi ka Elaka Jowai ma Puramon Kynjing ula ong ba kane ka jingpynkup burom kalong kum shibynta ban pynpaw iaka jingsngewnguh iaki nongsharai iaka niam ka rukom kiba la shakri la 15 snem lynter.
Ia ka jingialang la pyniaid da u Raymon Nartiang, Pator Raij Jowai haka jingiadonlang ki rangbah na ki Soo Langdoh, ki Wasan bad kiwei kiwei
La don ruh ka nguh ka dem ha ryngkat ka suit ka shor kaba la pyndep da u dolloi ka elaka Jowai.
Kine ki nongialam niam kiba la shah pynkup burom ki kynthup ia Ka Kongka Siangbood, u Samboon Siangbood kiba long ki Langdoh ka Raij Jowai, u Dr. HC Pakynteiñ (Sangot Pakynteiñ), U Valentideo Paswet (Sangot Paswet), u Niyooki Shadap Passah (Maji), u Long Passah (Harna) bad u Tribal Toi (Dhulia) bad u Paka Shylla, (Tymmen Shylla) jong ka Raij Kongwasan Chyrmang, u Kiang Phawa, (Tymmen Raij), Raij Tuber bad u Khain War (Tymmen Papiah) Raij Ialong.
Facebook
Instagram
Youtube
Twitter
Leave a Reply