La pyndam containment haki lai tylli ki shnong ha West Jaintia Hills

Syllad | The Rising MeghalayaAugust 9, 2021

U District Magistrate, West Jaintia Hills haka sngi Nyngkong ula pynbna bala weng iaka micro containment kaba ula pynngat ha ki lai tylli ki shnong haka district.

Kine ki shnong kiba la weng noh iaka micro containment ki kynthup iaka shnong Barato A, Dong Um Sahep, Shangpung Mission bad haka shnong Mookyndur ha ki lai tylli ki iing ba kynthup iaka iing ka kong Experience Suting haduh ka iing ka kong Cruchiel Suting ha ka dong Pohskur bad na ka iing ka kong Iarli Mukhim haduh ka iing ka Lovely Suting haka dong Khliehchem.

Katkum ka report la weng ia ka containment ha kine ki iing bad ki shnong hadien bala lah ban tem iaka jingpur ka khlam COVID-19 bad bala dep ban buddien bad test ia kiba shah ktah bad ka active surveillance.