La pyndep ia ka lehniam Ku Tyngkong u Pator Raymond Nartiang ha Yung Langdoh Kongwasang Chyrmang
Haka 30 tarik Naiwieng ka dei ka sngi khraw ka ban sah khana hapoh ka Raij Chyrmang hapdeng ki Soo Langdoh Soo Raij ha kaba hadien bun tylli ki snem U Kongwasan ka Raij Chyrmang ryngkat ka jingsakhi lang u Langdoh Jowai, Langdoh Tuber bad Langdoh Ialong ki la lah ban pyndep ia ka lehniam Ku Tyngkong u Pator ka Raij Jowai u Waheh Raymond Nartiang.
Ha kane ka sngi la wan sakhi lang da u Pa Dolloi ka Elaka Jowai u Waheh Puramon Kynjing ryngkat ki wasan waheh ki shakti niam ka Raij Jowai, Tuber, Ialong, Kni ka Raij Jowai Waheh Myown Chyrmang bad ki waheh wasian ka Seinraij Jowai ba kynthup ia u Hercules Toi, President Seinraij Jowai bad kiwei kiwei.
![](https://www.syllad.com/wp-content/uploads/2024/09/JIT-Vacancy-823x1024.avif)
Shwa ban kit ban bah ia u Pator Raymond Nartiang sha shilliang ka wah Myntdu ba long u pud u ang ka Raij U Kongwasan Chyrmang, u Pa Dolloi ula ai ki kyntien kam khmat nangta pynbud ka Yutang na ka liang u Langdoh Kongwasan bad na u Pator.
Ha kane ka sngi hapdeng ki riam ki beit, ki kup ki sem ba iphuh iphieng, ki khun ka Raij Chymang ki la pdiang burom ia u Pator Raymond Nartiang ha shilynter ka lynti iaid naduh ba u rung shapoh u pud u ang ka shnong Chyrmang kat haduh ban da poi ha Yung U Langdoh Kongwasan Chyrmang.
![](https://www.syllad.com/wp-content/uploads/2023/11/Pator-Jowai-jpg.webp)
![](https://www.syllad.com/wp-content/uploads/2023/11/Raymond-jpg.webp)
![](https://www.syllad.com/wp-content/uploads/2023/11/Raij-Chyrmang-jpg.webp)
Ia ka lehniam ba kyrpang jong ka Ku Tyngkong u Pator Raymond Nartiang -Pator ka Raij Jowai la pyndep ha Yung Langdoh Ri Blai da ka Langdoh ryngkat u Langdoh Kongwasan haka jingiadonlang u Pa Dalloi Elaka Jowai Waheh Puramon Kynjing, u Langdoh Jowai, Langdoh Tuber bad Langdoh Ialong kumjuh ki shakri niam jong ki Sooraij Soo Langdoh.
Kane ka lehniam Ku Tyngkong u Pator ka Raij Jowai Waheh Raymond Nartiang ha ki taiew ki bnai ban wan kan long sa ha ka Raij u Langdoh Tuber bad Langdoh Ialong.
Leave a Reply