La pyndep ka jingleh surgery ia u Bah Prestone Tynsong hapoh Apollo Hospital

Syllad | The Rising MeghalayaSeptember 13, 2024

Ki doktor Apollo Hospital, Delhi haka 12 tarik Nailur ki la pyndep ia ka jingleh surgery ne ka jingpuid ia u Symbud Myntri Rangbah ka jylla u Bah Prestone Tynsong na ki bynta jong ka khlieh hapoh Apollo Hospital, Delhi.

“U Bah Prestone u la hap ban pyndep ia ka jingleh surgery na ki bynta ka liang ka diang jong ka khlieh ne Left Fronto Temporal Parietal Craniotomy bad SDH haka 12 tarik Nailur bad hadien la pynkynriah ia u shapoh ICU ha Apollo Hospital,” pyntip u Commissioner & Secretary u Vijay Mantri lyngba u kyrwoh.

“U Symbud Myntri Rangbah u don hapdeng ka jingtip briew bad hapdeng ka jinglong jingman kaba kham biang bad hadien ba la dep ban khmih bniah yn pynkynriah noh ia u shapoh ICU,” u la ong.

Ia u Bah Prestone nyngkong la pynkit bad sumar hapoh ICU jong ka Nazareth Hospital, Shillong hapoh ka Department Neurosurgery ka 9 tarik Nailur hashwa ban sa pynkynriah noh shapoh Apollo Hospital ban ioh shuh shuh ia ka jingsumar kaba kham biang.