La pynhap noh ïaka pyrda ka Boxing Fight Night ka Green Heart Boxing Club

Syllad | The Rising MeghalayaAugust 8, 2022

Ka prem-miet jong ka 6 tarik u Nailar 2022, ha madan ialehkai basketball court jong ka Mawlai Mawroh Indoor Stadium, la sakhi ia ki jingiakhun kiba itynnad, kaba dei artad ka janmiet jong ka jingpynhap noh ia ka pyrda jong ka rynsan iakob ia bok ba la tip ia ka kum ka Meghalaya Open Elite Men’s Invitational Boxing Fight Night 2022, ba la pynlong ia ka da ka Green Heart Boxing Club of Mawlai.

Ha kane ka janmiet pynhap pyrda ia kane ka rynsan, ki jingiakhun phainal bala lah ban pynlong baroh ki long baroh San tylli.

Ki resol jong kine ki san tylli ki jingiakhun ka long ba ha ka kyrdan iakhun jong ka 45-48 kg ha kaba u Sanjeev Maskut ka Meghalaya u la shah liem noh ha u Heli Tana Tara ka Arunachal Pradesh.

Katba ka jingiakhun ha ka kyrdan jong ka 48-51 kg, u Khrawbok Marewein ka Meghalaya ula lah ban pynliem  ia u Bhim Bahadur Mote ka Nagaland, ha ka 54-57KG u Pynskhemlang Nonglait u la lah ban pynliem noh ia u rang ia kura ka Sikkim u Prem Kumar Chettri.

Ha ka kyrdan iakhun jong ka 57-60 KG u Badonkupar Synnah ka Meghalaya u la lah ban pynliem noh ia u Sawan Subba ka Sikkim bad khatduh eh ka jingiakhun ka kyrdan 60-63.5KG u Poken Siga ka Arunachal Pradesh u la lah ban pynliem noh ia u Baiamutlang Sungoh.

Kongsan ba la wan ban ia don lang ha kane ka janmiet dei u MDC ka Mawlai Constituency u bah Teiborlang Pathaw, nangta u Rangbah shnong bad Secretary ka  dorbar shnong Mawlai Mawroh, bah Peter Lyngwi President ka Meghalaya Boxing Association, ki nongshah khot sngewbha kum napoh ka jylla Sikkim, nangta u TL Gupta NIS Chief Coach ba la shongthait napoh Patiala, ha kaba ki la pyndep ruh ia la ka kamram ban

Haba kren kum u kongsan ha kane ka miet, naka liang u bah teiborlang Pathaw  u la pyntip paidbah ba dang shen ma u kum u nongmihkhmat paidbah, u la leit ha kaban ia synran lang ia ki dkhot jong ka Green Boxing Club of Mawlai  hapoh ka jingialam u bah Lary Kharpran ban aiti syndon ha u Chief Minister ka jylla u Conrad K Sangma ia ka bui ba la dep ban pynkhreh  ne ka DPR, naka bynta ka jingkwah ban seng noh ia kawei na ki shlem ai jinghikai ia bok ne boxing.