La pynjlan ia ka tarik ai jinghikai rung kam shipai

Syllad | The Rising MeghalayaOctober 30, 2023

U Additional Deputy Commissioner, East Khasi Hills District haka sngi Nyngkong u pyntip ba ia ka tarik ba khatduh ban thep kyrteng ban pynrung sha ka training kum ki Agniveer hapoh ka tnat shipai Indian Armed Forces na ka bynta ki samla napoh East Khasi Hills la pynjlan haduh ka 12 tarik u Naiwieng 2023.

Kito ki samla kiba la pyndep ha ka physical bad basic medical screening kin bteng ban pyndep ia ki jingai jinghikai na ka bynta shi bnai ban pynkhreh ia  ka “Common Entrance Examination” ia kaba yn sa advertise da ka tnat shipai Indian Armed Forces.

Baroh kiba don jingmut kin hap ban rejistar na ka bynta ban ka Pre-recruitment training da kaba pyndep ia ka  google form lyngba ka link https://megedistrict.gov.in/directApply.do?serviceld=1158.

Ki jingdonkam na ka bynta kane ka jingpynrung kyteng sha kane ka pre recruitment training ka long ba ki nong aplai ki dei ban long ki nongshong shnong ba pura jong ka East Khasi Hills District, kata na ka bynta ki shynrang bad kynthei, bad ka rta ha ka por ba ki pynrung kyrteng ia lade na ka bynta ka jingpynrung sha ka kam ka dei ban long naduh ka 17 snem hynriew bnai haduh 21 snem rta.

Kane ka jingpynrung kyrteng ka dei na ka bynta ki post Technical, Clerk/Store Keeper, GD, Tradesman/ House Keeper/ Mess Keeper bad ki kynthei ha ka Corps of Military Police.