La pynkhreh ka bam ïaki samla pule ba sahkut haka Curfew ha Sor Shillong ong u ma Lahkmen

Syllad | The Rising MeghalayaMarch 29, 2020

Ka Hynniewtrep Youth Council (HYC), War Jaiñtia Circle hadien ba la iaphylliew jingmut sani bha bad u DC ka West Jaiñtia haka 28.03.2019 halor ka jingeh baki khynnah bad samla pule kiba dang sah kut ha Shillong naka jingkhang curfew ka sorkar ban iada na u khñiang jingpang COVID-19.

Na ka jingkhang curfew, ki khynnah bad samla pule katkum ba long mynta ki don hapdeng ka jingkyrduh bam kyrduh dih namar ba kim don pisa shuh bad kumjuh ruh ba kim ioh lad ban leit phai sha la ki shnong ki shnong jongki. Ha katei ka jingiaphylliew jingmut ka seng, u DC u la ong ym lah ban leit shaw iaki khynnah kiba dang sahkut sha Shillong namar ba ka sorkar ka la pynkhreh kyrpang iaki ka jaka sah iaki sha Shillong.

U samla Youdahunki Shylla u President ka seng haba iakren bad i wei i ba pule Doctors la ia phylliew jingmut halor kane ka bynta, namar kat kumba long ha jylla jongngi, ngi dei ban iada katba lah kum hakane ka por na u tei u khñiang jingpang khnang ba kan nym buh jingeh iaki shnong nongkyndong. Kumta kum ka seng ka la ialeh shitom katba lah ban ki wad  ki lynti ban weng iakitei ki jingeh ki khynnah bad samla pule kiba dang sah kut ha Shillong.

Haka juh hi ka por u President u la iaphylliew jingmut bad u Home Minister ka jylla u ma Lahkmen Rymbui halor katei ka jingeh ki khynnah bad samla pule. Haka jingia phylliew jingmut u Ma Lahkmen Rymbui u la ong “La don ka jingpynkhreh kyrpang daka Education Department na ka bynta ki khynnah bad samla pule ha Shillong. Ka bam arsien kin ai ryngkat bad ka sha”. U la bynrap ruh dakaba ong ba u la wan jurip laisngi lynter iaka jaka bala pynkhreh iaki khynnah bad samla pule bakin sah. U la ong ruh ba katkum ka jingpeit jong u ia katei ka jaka bala pynkhreh ka long ka jaka ka ba biang”.

Halor jingkyrduh bam ki paidpah u Ma Lahkmen u la iathuh ba haka liang ka mar bam hynnin ka sngi u la dep shong jingialang ryngkat bad ka SDO Amlarem ban shim jingkheiñ iaki jingdonkam ki paidpah. Haka taiew ban wan yn pyllait ia u khaw ration bad iaka bhah u bnai May (Jymmang) bad June (Jylliew) bad u khaw u don ha FCI hapoh u ne u bnai April (Iaiong) bad yn sam ruh ha u bnai April hi. Kumta kiba don ka card rashon kin ioh ar lai sien hapoh shibnai ne shi bnai tam. Ki paidpah kim donkam ban iaknieh ha iew.

Ka sorkar Meghalaya kan pyrshang katba lah ban pynioh iaki jingdonkam. Ki paidpah ki dei ban sngewthuh, bakane ka por ka long kaba donkam bha ban nym iashong jan hynrei ki dei ban kynmaw ruh ban sait kti man la ka shi kynta bad ym dei ruh ban mih sharum shaneng lada ym donkam.

Kumta ka seng ka kyrpad iaki khynnah bad samla pule bakin long kiba iaishah bakin sngewbha ban long kiba la khreh ban leit sah sha ka jaka bala pynpynkhreh kyrpang daka sorkar jylla bad kumjuh ruh bakin ai sngewbha ban ai jingtip sha u MLA ka thaiñ, lane sha u President HYC War Jaiñtia lane dakaba SMS ha une u number +919862523268, khnang ba yn lah ban pynpoi iaki shakata ka jaka bala pynkhreh daka sorkar.

Ka seng hakaba iadei bad kitei ki phang ka dap daka jingsngewnguh iaka jingshimkhia u nongmihkhmat ka thaiñ ban pyrshang ban ialeh ban weng iaki jingeh ki paidpah baki iakynduh kum hakane ka por ba wan ka nemsniew. Kumta ka seng ka ai Khublei kyrpang ia i MLA ka thaiñ, ia i SDO Amlarem bad ia i DC ka West Jaiñtia baki la kloi ban shah shkor halor ka jingud jongka seng naka bynta ka iap ka im u paidpah ka thaiñ.