La pynkhuid iaka spah ton ka ñiut na Iawthymme Ladthadlaboh, sngewnguh ka RJTA iaka JHADC bad JMB

Syllad | The Rising MeghalayaAugust 17, 2021

Ka Riloom Jaintia Traders Association (RJTA) kala pynpaw ka jingsngewnguh kaba khraw ïaka Jaintia Hills Autonomous District Council (JHADC) bad ka Jowai Municipal Board (JMB) kiba la pynkynriah ïaki ñiut ki ñier da ki spah ton kiba la sahkut la bun bun taiew ha Jowai kaba kynthup iaka Iawthymme Ladthadlaboh bad ka Iawmusiang Jowai.

U president RJTA Paila Kordor Lyngkot, ula pynpaw iaka jingsngewnguh kaba khraw iaka JHADC bad JMB kiba la shimkhia ban pynkhuid ia ki ñiut kiba la neh la bun bun taiew kaba la wanrak iaka jingsma iwtung.

Ula ai khublei ruh iaka shnong Mupyut kaba la pynjynsur iaka rai wat hadien ba kala pyrshah bad kyrpad iaka sorkar ban pynioh iaka jaka theh ñiut kaba pura iaka sor Jowai ban pynjem ia kane ka jingeh ha ki sngi ban wan.

Ka RJTA kaba peit iaka miat ka bha ki nongkhaii, ka khot ka wer ia baroh ban iatreilang ban wanrah ia ka khuid ka suba ha ki iew ki hat bad ki shnong ki thaw.

Ka RJTA kala ong b aka jingkhuid jingsuba ka long kawei ka ba donkam tam ha ka imlang sahlang bad watla ia kine ki iew ki hat ki dei ki ba la pyniaid da ka JHADC bad kiwei kiwei ki kynhun, hynrei kum ki nongkhaii kiba im jakpoh na kane ka kam, ngi dei ban don iaka jingkikhleh ban pynneh iaka khuid ka suba.