La pynkiew dor iaka doh sniang ha West Jaintia Hills District

Syllad | The Rising MeghalayaAugust 23, 2020

Hadien ka jingsar ka jingiap khlam sniang kaba suba ba dei na ka jingpang African Swine Fever (AFS) bad ka jingkhang ban rah sniang na shabar ka district bad na kiwei Jylla kala wanrah ka jingduna sniang bad kiew dor kaba la buh jingeh iaki nongkhaii sniang ha West Jaintia Hills District.

Ka seng ki nongdie doh sniang ha West Jaintia Hills District namar ka jingduna ka jingioh doh sniang bad rem dor kala rai ban pynkiew shwa ia ka dor doh sniang na ka T.320/- shi kilo sha ka 340/- shikilo tad haduh ba lah ban wanrah sniang na kiwei kiwei ki jaka.

Kane ka dor ba thymmai kan trei kam naduh ka 25 tarik, Nailar, 2020.

“Kane ka jingpynkiew dor iaka doh sniang kadei hadien bala ioh jingbit na u Deputy Commissioner ka West Jaintia Hills District,” la ong u ma SB Ryngkhlem bad BN Ryngkhlem kiba long ki president bad secretary jong ka seng ki nongdie doh sniang.