La pynkut noh iaka jingrakhe jubili rupa ka Tuber Kmaishnong Social Cultural & Sports Club

Syllad | The Rising MeghalayaOctober 18, 2022

Ka Tuber Kmaishnong Social, Cultural & Sports Club kala pynhap pyrda noh iaka 25th Inter Dong Football Tournament kaba dei ruh shibynta ka jinglehkmen jubili rupa ne ka Silver Jubilee Celebration(1997-2022) haka sngi Thohdieng, ka taiew kaba la dep.

U kongsan Ma Kyrmen Shylla Minister Revenue & Disaster Management, Social Welfare etc. Government of Meghalaya bad u symbud kongsan MDC ka thain ma Lasky Rymbai kila wan ban sakhi ia kane ka prokram.

Ha kane ka sngi la pyllait paidbah iaka souvenir bad u maw tablet sah jingkynmaw iaka jingrakhe jubili. La pynkup burom ruh iaki nongkit kam sports kiba treikam naduh 1997-2022. La pynphuh pynphieng shuh shuh ia kane ka program daka jingshad jong ki khun samla ka shnong iaka Theme song jong ka Jubilee. Ka jingialeh kai final ka long hapdeng ka Tuber Wahshnong SC pyrshah iaka GFF Family FC ha kaba ka Tuber Wahshnong SC ka la jop 3-0.