La pynkynriah iaka Fete & Lucky Draw ka Sohkha Mission Multipurpose Club

Syllad | The Rising MeghalayaJanuary 27, 2022

Na ki daw bym lah ban kiar ka Sohkha Mission Multipurpose Club kala hap pynkynriah tarik noh iaka Fete bad ïaka jingpynkhalai nusib ne Lucky Draw kaba la thmu ban pynlong haka 28 tarik Kyllalyngkot (January) 2022.

U Ma PK Khonglah, President Sohkha Mission Multipurpose Club ula ong ba la hap ban pynkynriah iaka fete bad ka lucky draw na ka daw jong ka hukum sorkar hadien ka jingwan lynsher biang ka khlam COVID-19.

U Ma Khonglah ula ong ba iaka tarik ban pynlong iaka fete bad ka jingpynkhalai iaka Lucky Draw yn sa pyntip hadien bad ia kito kiba la thied iaki ticket Lucky Draw buh bha ïaki tad haduh ban ïoh pynbna da kumwei pat.

Ka Sohkha Mission Multipurpose Club kala kyrpad ia baroh ki paidbah kiba kyrshan iaka club bad iaishah lem bad ka club.