La pynkynriah iaki ñiut na Jowai bad synreit dawai ka JMB haki jaka pynlang ñiut
Mynta ka sngi hadien ba ka dorbar shnong Mupyut bad ki shnong ba shah ktah kila rai ban shah iaka Jowai Municipal Board (JMB) theh ñiut na ka bynta 3 bnai ha Mynkjai, ka JMB kala pynlang bad pynkynriah ia baroh ki ñiut na Jowai.
Hadien ba ka JMB kala dep ban kynriah iaki niut kala pynkhuid bad synreit dawai khniang ha kine ki jaka kiba la neh ki ñiut la bun bun taiew.
Kumban shu iathuh ba haka sngi Thohdieng ka Synjuk ki Waheh Chnong Jowai, Synjuk Waheh Shnong War Jaintia, ka Dorbar Shnong Mupyut bad ki shnong ba shah ktah kila poi sha ka jingiasuk bad la pynbeit bad mynjur ban ailad iaka JMB ban bret ñiut ha Mynkjai, ka jaka theh niut ba shipor haduh 3 bnai.
La iasoi ruh iaka soskular kaba la tip kum ka Memorandum of Agreement (MOA) haka sngi Saitjain hadpeng Jaintia Hills Autonomous District Council (JHADC), Jowai Municipal Board (JMB), Shnong, Khasi Students’ Union (KSU) bad ka Synjuk Waheh Shnong War Jaintia na ka bynta ban pyndonkam iaka jaka theh ñiut ka sor Jowai ha Mynkjai.
Ha kane ka jingiasoi MOA la pyndam iaka jingiakut ka JHADC bad ka JMB ban theh ñiut ha katei ka jaka naka bynta 20 snem namar bala leh khlem ka jingtip jong ki 9 shnong kiba shah ktah.
Facebook
Instagram
Youtube
Twitter
Leave a Reply