La pynngat micro containment iaka Dong Lumrymmu Mynso

Syllad | The Rising MeghalayaJuly 8, 2021

U District Magistrate, West Jaintia Hills, West Jaintia Hills ula pynngat micro containment iaka Dong Lumrymmu, Mynso hadien bala don ka jingiabit khlam COVID-19 ki nongshong shnong.

Katkum ka hukum u District Magistrate la pyngngat micro containment namar ba don ki high risk contact bad kiba iabit iaka khlam COVID-19 bad kiba lah ban shah ktah haka jingpang khlam kiba donkam ban leh iaka test bad kumjuh ban shong pynkyrpang ialade bad ban pyndep iaka active surveillance ban tem iaka jingpur ka khlam COVID-19.

Kane ka hukum containment kan treikam tad haduh bala pynbna da ka kumwei.

Ka hukum kam shah iano iano ban rung ban mih klumar sha kitei ki jaka bala pynngat Containment. La bthah ïa baroh kiba hap hapoh ka containment ruh kin hap ban shong pynkyrpang ialade ha ki iing ki sem jong ki.

Ym shah ban pynlong kino kino ki jingialang bad phah khang ia baroh ki dukan dukdoh ha katei ka jaka.

Ki kali kiba na shabar ka containment ha katei ka shnong ruh kim bit ban sangeh ha shiteng lynti ha ka jaka bala pynbna containment.