La pynngat Micro Containment iaka shnong Saphai

Syllad | The Rising MeghalayaJuly 9, 2021

U District Magistrate,West Jaintia Hills haka sngi Thohdieng ula pynngat micro containment iaka shnong Saphai hadien bala lap ba don kiba iabit jingpang khlam COVID-19.

Ka hukum ka ong ba donkam ban leh iaka test iaki high risk contact bad ki briew kiba lah ban shah ktah na ka jingpang khlam bad ka active surveillance ban tem iaka jingpur ka khlam. Kane ka hukum kan treikam tad haduh bala pynbna da kumwei.

La khang ia baroh ban rung ban mih klumar sha katei ka jaka bala pynngat Containment. Kiba shong ba sah hapoh ka containment ruh kim bit ban mih shabar.

Ym shah ban pynlong kino kino ki jingialang bad phah khang ia baroh ki dukan dukdoh ha katei ka jaka.

Ki kali kiba na shabar ka containment ha katei ka shnong ruh kim bit ban sangeh ha shiteng lynti ha ka jaka bala pynbna containment.