La pynsangeh iaki jinglehniam paidbah ha Jyllaniam Jowai
Ban pynjem iaka jingpur sted u khniang jingpang coronavirus, ka Jyllaniam Jowai kala pynsangeh ia baroh ki jinglehniam paidbah ba kynthup ïaka jingiaseng Lynti Diengphna haka sngi Thohdieng, ki ritrit, ki Mass sngi U Trai bad ki seminar bad ki jingiaseng iing haduh 31 tarik u Lber (March) 2020.
U Rev Victor Lyngdoh, Bishop Jowai ula ong “Ngi donkam ka jingïatreilang jong baroh naka bynta ka jingpynduh ia une u khniang jingpang ba shyrkhei da kaba bud iaki jingbthah jong ka sorkar bad ka jingkyntu jong ka North East Regional Bishop’s conference kaba la bthah ban pynsangeh ia ki jingiaseng paidbah.”
La pyllait ia baroh ki paid riewngeit jong ka jyla niam Jowai naka kamram ban iashim bynta haki jinglehniam Sngi U Trai bad haki sngi khuid baroh bala teh haduh 31 tarik u Lber 2020.
La pynsangeh noh ia baroh ki jinglehniam paitbah kum ka Lynti Diengphna haka sngi Thohdieng, ki ritrit, ki Mass sngi U Trai bad ki seminar bad ki jingiaseng iing haduh 31 tarik u Lber 2020.
Ki lyngdoh kiba sngap phla ki dei ban iada ialade da kaba deng ki jingda shyntur (mask) bad da ka ba pynjngai lalade na ki nongphla.
Ka sngi U Trai ka dei ka sngi ba ngi dei ban sumar khuid. Kumta watla da ngim lah ban shim bynta haka Mass bakhuid, ngi dei ban pynlong iaki jingduwai shi iing shi sem. Ngi lah ban ia duwai lang shi ing shisem. Pule iaka ktien jong 0 Blei, duwai ia u Rosary bakhuid, pynlong iaka lynti diengphna, duwai lang iaki psalm khamtam iaka psalm 91 ban ioh jingiada hapoh ka bor jong U Blel.
Ngi don haka por len bakhuid. Ai ba manla ka sngi Thohdieng kan long ka sngi jong ka jingduwai, puson bad shah jingit ban kyrpad iaka jingisynei jong U Blei bad ba un pynkoit pynkhiah kham kloi iaki nongpang baroh.
Facebook
Instagram
Youtube
Twitter
Leave a Reply