La pynskhem ia ki nongkitkam bathymmai ka KSU Saphai unit, Priang, Iooksi bad Umsalait Unit

Syllad | The Rising MeghalayaNovember 2, 2023

Ka Khasi Students’ Union (KSU) ka la ioh ban pynskhem biang sa shisien ia ki saw tylli ki unit kata ka Saphai unit, Priang Unit, Iooksi Unit bad Umsalait Unit kiba hap hapoh ka jingpeit jong ka KSU Kupli Area Circle hadien ba la kut ka samoi treikam ha ka jingialang kaba la long ha ka 31 tarik u Risaw ba la dep ha community hall Iooksi.

Ha kane ka jingpynskem ia ki nongkitkam thymmai jong ki unit la pyndep da u Vice President ka KSU Central Body  u samla Biangbor Paliar bad la wan lang ryngkat u Samla Sonstar Nongkhlaw u ba dei ruh u nongpeit nongkhmih iaka KSU Jiantia Hills District Unit.

Ia kane ka lympung pynskhem nongkitkam la pyniaid da u Learningrad Tariang u ba bat ruh kum u General Secretary ka KSU West Jaintia Hills District, bad la ioh ka jingkren maitphang na u samla Balawantei Suchiang u ba dei ruh u President ka KSU Kupli Area Circle, kumjuh ka jingkren na u Samla Ehbok Sten u ba dei ruh u General Secretary ka Shilliang Myntang Circle.

Shwa ban poi shaka bynta kaba kongsan la ai jingkren na u samla Sonstar Nongkhlaw u ba dei ruh u Assistant Finance secretary ka KSU sengkmie uba u la ong, “Ban rung sha ka KSU ym dei ban rung da kaba shah pynbor ne bud paralok, hynrei ban rung kum u dkhot ka jaibbynriew dei ban rung da ka mon lajong kaba skhem namar ka mynsiem ieid ri kam shong ha ki paralok ka shong haka mynsiem lade shimet.

Hadien ka jingai jingkren u samla Sonstar la shimti ia ka bynta kaba kongsan ban pynskem iaki nongkitkam  ba pura jong ki Unit da u samla Biangbor Paliar, bad hadien ka jingpynskem u la ai jingkren da ka ba ong shisien ba phi la dei kum ki dkhot ka jaidbynriew dei ban long kiba la kreh ban mih madan ha kano kano ka por kaba ka jaidbynriew ka donkam ia phi. U la iaroh ruh ia ki nongshnong jong ki thain khappud ba ki long kiba shlur bad don ka mynsiem ialeh, kata da kaba ai nuksa kum ha Lapangap bad Khanduli.

Nalor kata ula ong ruh naduh ki snem 1989 ka KSU kala ieng skem haka nongrim ban pyrshah beit iaka lynti rel hapoh ka bri u hynniewtrep kat haduh mynta, kata kat bym pat ioh ia ka aiñ iada kaba skem ia ka jaidbynriew rit paid ka jong ngi. U la pynpaw ruh da kaba shai sha ka sorkar ba kam dei ban yrshang ban pynbiej ia ki paidbah da ka  ta ka lynti rel ban ong ba ka roi ka par, hynrei ngi tip ba roi tang ki heh spah bad par pat ki barit baria.

Hadien la ioh ruh ia k jingkren ai khublei na u samla Leikirichard Tyngkan uba dei ruh u General Secretary ka KSU Kupli Area Circle ‘ uba la ong ba ka KSU Kupli Area Circle kam dei ka seng kaba kwah ban paw tang ha khubor ne social media hynrei ki kam baka KSU Kupli Area Circle kalah leh bun ki kam.