La pynskhem iaka KSU East Jaintia Hills District Unit

Syllad | The Rising MeghalayaApril 2, 2022

Ki nongïalam ka Khasi Student Union (KSU) central body haka sngi Saitjain ki la hiar sha Khliehriat ban pynskhem bad pyntian smai ïaki nongkitkam ka Khasi Student Union (KSU) East Jaintia Hills District Unit na bynta ka samoi treikam jong u snem 2022-2025.

U president rangbah ka KSU u Lambokstarwell Marngar ula pynskhem bad shim jingkular iaki nongkitkam ka KSU EJHDU haka jingïalang kaba la pynïaid da u Ostarnic Marbañiang Organizing Secretary KSU sengkmie haka Community Hall Khliehriat West.

Nalor ki nongialam ka KSU la iadonlang u myntri ka tnad Social Welfare ka sorkar Jylla u Ma Kyrmen Shylla uba long ruh u MLA ka thaiñ, u Deputy CEM ka JHADC u Ma Lasky Rymbai uba long ruh u dkhot barim ka KSU Jaintia Hills District, u Ma Finelyness Bareh MDC ka Rymbai, ki nongïalam ka KSU na Barak Valley bad kiwei kiwei ki dkhot ka KSU.

Hashwa ka jingpyntian, la ïoh ka jingduwai kyrpang na u Fr. George Shining Lyngkhoi bad ka jingduwai kyrkhu kyrdoh ïaki nongkitkam na u Rev Emlangmi Sapuh.

La ïoh ka jingkren kyntu kynpham na u Ohibait Dkhar president barim KSU-JHDU, u Shainingstar Kharbihkhiew Incharge KSU JHDU, katba u Lovingwell Mukhim na ka seng Barak Valley Khasi Jaintia Walfare Organization, Assam ula pynsngew ïaki jingeh ba ïakynduh ki paid Khasi Pnar ba shong basah ha thaiñ Barak Valley.

La pynphuh pynphieng ïaka jingïalang da ki jingshad na ki dkhot ka KSU Girls Wing, Khliehriat bad ki jingrwai pynbyrnia na u kaitor Bankerlang Kharkongor.

Ki nongkitkam ba pura ka Khasi Student Union (KSU) East Jaintia Hills District Unit na bynta ka treikam jong u snem 2022-2025 ki long u president Streamly S. Suchen, vice president Satly Ryngkhlem, general secretary Kwilnis Suchiang, assistant general secretary Pynshai Dkhar, finance secretary Shaniah Dkhar, assistant finance secretary Cherity Suja bad Khihlang Shylla, organising secretary Deiniwan Lyngdoh, assistant organizing secretary Olenbat Pdang, Chibait Rymbai bad Donbok Mukhim, education secretary Emmon Chyrmang, assistant education secretary Santomba Bamon bad Benito Suja, publicity secretary Hamewanpynhun Ryngkhlem, assistant publicity secretary Meshak Kyndoh, office secretary Jovelity Dkhar, assistant office secretary Kyrshan Dkhar, environmental & Socio cultural secretary Phanuel Tongper, assistant environmental & socio cultural secretary Roskill Chyrmang, Andronikos Ryngkhlem, sports secretary Shwari Ryngkhlem, assistant sports secretary Poibiang S Dhar bad u Yooni G. Muksor, disciplinary secretary Ohiwet Rymbai.

Ki Lai ngut ki executive member ba kynthup u Korea Pyrngap, Garnes Talang bad Poly Pohlong.