La pynskhem iaki nongkitkam ka Sein Kur Dkhar Wapungskur Unit

Syllad | The Rising MeghalayaOctober 22, 2024

Ka Seng Kur Dkhar East Jaintia Hills District Unit kala ioh ban pynskhem iaki nongkitkam bathymmai jong ka kur Dkhar Wapungskur Unit haka jingialang kaba la long haka 22 tarik Risaw.

Ia ki nongkitkam la pynskhem da u Ma Teras Dkhar President Ka Seng Kur Dkhar East Jaintia Hills uba la kyntu kynpham ruh iaki nongkitkam bathymmai ban long kum ki rishot ha kino kino ki jingeh jingwit jong ka kur.

Haka jingialang kaba la pyniaid da u Ma Shaniahskem Dkhar President Wapung Circle, la ioh ruh ban ai ïa ka jingkren kyntu kynpham na ki riew rangbah jong ka Kur.

U Ma Jop Dkhar EC member ka Seng kur Dkhar EJH uba la kyntu ban wanrah ïa ka jingiatylli, ka jingiajan bad ka jingieid mar kylliang hapdeng ki para kur.

U Ma Bida Dkhar ula kyntu iaki para kur ban kiar na ka jingsngew ha nga mei bad ka jing sarong pyrthei bad ban buh iaka akor hakhmat bad ban burom kylliang iwei ia iwei u la kyntu ruh ïa ki ba kim dei ban long ki briew ki bym burom shuh ïa kiba halor kiba long ruh ki rangbah hapoh ka kur.

U MH Dkhar Adhoc GS EJH, ula kren halor ka jinglong jingman ka Kur da kaba ong ka kur kadei tang kawei bad umdei shuh ban bsuhlang da kiwei ki kyrteng kur lait noh tang ka kur Dkhar bad ula ban jur ruh ban kiar na ka jingiasngew pher niam, saiñ hima sima bad kiwei de.

Katba u President ka seng kur Dkhar Pasyih Unit Ma Kerbhami Dkhar, ula pynpaw ka jingkmen ban iohi ba ka Kur ka don iaka jingiatylli bad kaba lah ban bah bad kit iaka khia ka shon jong ki para kur.

Ha kane ka sngi la wan ban ai mynsiem da u president rangbah ka seng Kur Ma Harvis Dkhar.

Ki nongkitkam ba hakhmat jong ka Kur ki long, Pynkhihdimon Dkhar President, Chomly Dkhar Vice President, Lewismi Dkhar Secretary, Nangkhrawbor Dkhar Assistant Secretary, Ewingson Dkhar Treasurer, katba ki Adviser ki long Posting Dkhar, Evening Dkhar, Betty Dkhar bad Shaniahskhem Dkhar la thung ruh iaki 24 ngut ki dkhot EC.