La pynskhem ka Congress iaki nongialam ka 5 Shnong Circle

Syllad | The Rising MeghalayaJuly 19, 2020

Ka Khliehriat Block Congress committee ban pynkhlain iaka jingtrei kam ka party Congress ha East Jaintia Hills kala thaw iaka 5-Shnong Circle haka 18 tarik une u bnai haka jingialang kaba long ha Khliehriat West Community Hall.

Kine ki 5 Shnong Circle ki kynthup iaka Pynthorsale, Mukhaiialong, Mutong, Cham-Cham bad Lumshyrmit.

Ki nongkitkam kumne harum:

President: U Ma Pdok Tariang

Vice President: U Ma Pynshaw Dkhar

General Secretary: U Ma Shemphang Dkhar

Social Media Co-ordinator: U Ma Pynshai Sana

Adviser: Ma Thynda Sana

Lem bad ki 25 ngut ka Executive Member.

U President jong ka Khliehriat Block Congress Committee u Deibormi Syad ula pyniaid iaka jingialang bad la iaka jingkren lyngkot shaphang ka party na u Working President ka Block U Ma. Piwell Shylla.

U President ka East Jaintia Hills District Congress Committee bad uba long ruh u MLA 5-Sutnga-Saipung Constituency U Ma Shitlang Pale ula ai jingkren bad kyntu iaki nongtrei ka party ban trei shitom ban pynkhlain iaka party ha kane ka district. Kiwei kiwei kiba kren ki dei u Thynda Sana (Working President ka block), Firstly Syad (Vice President ka Block), Pheinlang Siangshai (Vice President ka Block) lem bad kiwei kiwei ki dkhot ka party Congress

La pyniaid ia ka jingjied nongkitkam da U treasurer ka Block U Nicolas Swer.