La pyntreikam iaki ar tylli ki jaka set slung COVID-19 ha Ladthalaboh Jowai

Syllad | The Rising MeghalayaMay 29, 2021

Ban ïada na ka jingpur ka jingpang khlam COVID-19 ki dorbar shnong bapher bapher ha Jowai kila buh iaki jaka set slung ba kyrpang iaki kino kino ki suba bad kiba iabit khlam COVID-19 ki bym don jingshitom ha Jowai.

Ia kine ki jaka set slung ne ki Community Isolation Centre la buh ha Kiang Nangbah indoor Hall bad Indoor Hall ka shnong Ladthalaboh, Jowai.

Kine ki ar tylli ki jaka set slung kin hap haka jingpeit ki COVID-19 Manangement Committee jong ki 9 tylli ki Dorbar shnong ki kynthup ka Ladthadlaboh, Newhill, Moosalyngkat, Caroline Colony, Dongmihsngi, Tyndoowapung, Mookyrdup, Lumpariat bad Mooralong.

Haba ïadei bad ki jingpynkhreh pynkhrum haki Isolation Centre u Ma Pyrkhat Shylla ula ïathuh ba la mang ban buh 20 jingthiah kawei ka Isolation bad ïaki jaka thiah la pynbeit ban buh da ki ben skul kumjuh ki matress kiba la ïoh na tnad ka koit ka khiah ka district. Ula iathuh ba ha Indoor Hall ha Ladthalaboh la pynbeit ban set slung tang iaki kynthei.

Haba ïadei bad ka bam ka dih la pynbeit ban pynkhreh hi ki ba haïing katba ka um ka wah yn pynbiang hi ki Dorbar shnong bad ïaki jakhlia jakhlait na ki Isolation Centre la pynbeit ban wan pyllum ka Jowai Municipal Board (JMB).

Ula ïathuh ba kine ki Isolation Centre kin sdang treikam noh naduh ka sngi Nyngkong hadien ba la dep ban pynkhuid bad synreit dawai ia kine ki iing.