La sdang iaka 1st Christmas Cup ka Seng Rangbah Katholik Mihmyntdu

Syllad | The Rising MeghalayaNovember 29, 2021

U Bah B. Thongni Senior Engineer ka PWD (Road) Williamnagar Circle ula plie pyrda ïaka lympung ïalehkai phutbol kaba tip kum ka 1st Christmas Cup Football Tournament 2021 ba la pynïaid da ka Seng Rangbah Katholik Mihmyntdu haka sngi Saitjain.

U Bah B Thongni haka jimgkren ula ai khublei ïaka Seng Rangbah Katholik Mihmyntdu, kaba la pynlong ïa kane ka lympung kaba long shi bynta ban wanrah ka jingïatylli ïaki riew rangbah jong ka Balang bad ka shnong hi baroh kawei.

La sdang ïaka lympung da ka jingïalehkai hapdeng ka Lumpyrtuh FC pyrshah ïa ka Moowamon A FC ha kaba ka jingialehkai ka la poi sha ka jingïakhaid khlem don ba lah ban thep kol. Katba ka jingïalehkai ba ar ka la long hapdeng ka Pohskur FC pyrshah ïaka Pohshnong FC ha kaba ka Pohskur ka la jop da 2-0.

Nalor u kongsan la donlang ruh u Ma P. Pale Assistant Executive Engineer PWD Patharkhmah Sub-Division, u Ma W. Sumer Asst. Executive Engineer PWD Mawhati Sub-Division, u Ma Lakhon Biam MDC ka Nangbah-Ïalong Constituency bad kiwei kiwei.