La sdang iaka ABDM Scan & Share Implementation Program ha Shillong Civil Hospital

Syllad | The Rising MeghalayaAugust 1, 2023

Ka Dr. HC Lyndem, Director Health Services (MI) mynta ka sngi ka la plie ia ka Ayushman Bharat Digital Mission (ABDM) Scan & Share Implementation Program hapoh OPD Registration Block jong ka Civil Hospital, Shillong.

Hadien ka jingplie ia kane ka prokram la pynbud da ka jingpyni ha kaba iadei bad ka rukom pyntreikam ia ka ABDM Scan da ka kynhun ka ABDM. Ka jingthmu ha kaba pynlong ia kane ka prokram ka long ban kyntiew ia ka koit ka khiah lyngba ka jingshakri lyngba ka digital ne ka ‘digital health’ na ka bynta ban pynurlong ia ka thong ba la buh da ka  World Health Organisation ban sngewthuh halor ka jingkdup ia ki rukom aijingsumar ha ka pyrthei na ka bynta uwei pa kawei ki nongshong shnong jong ka ri.

Ka NHA lyngba ka ABDM ka la pyntreikam ia ka QR-code based solution ha ki kor ki bor ka ABDM khnang ban pynlah ia ki nongpang ba ki scan ia u QR code bad ban pynpaw iala ki jong ki jingeh jong ki. Kane ka sienjam kan weng noh ia ka jingeh kaba iadei bad ka jingieng ia u lain uba jrong ha ka por ba rejistar kyrteng na ka bynta ki nongpang kiba wan shim dawai.