La sdang iaka Amrit Sarovar Mission haka shnong Rangad Wapung C&RD Block

Syllad | The Rising MeghalayaJune 2, 2022

Kum shibynta ka jingrakhe iaka taiew pynneh pynsah iaka sawdong sawkun jong ka mariang ne ka Environment Week, ka Wapung C&RD Block kala sdang iaka Amrit Sarovar Mission ne ka mission ban pynkhie im iaki um ki wah haka shnong Rangad, East Jaintia HIlls District haka sngi Palei.

Haba sdang ia kane ka mission Amrit Sarovar la pynlong iaka jingthung dieng haudh 200 tynrai haka jingiadonlang u Abhilash Baranwal, IAS, Deputy Commissioner, East Jaintia Hills District, Dr. T. Shylla, BDO Wapung C & RD Block, SHGs bad ki khynnah skul.

Shuh shuh la plie paidbah ruh iaka jaka pynlang um bad ka jaka saitjain kaba la pyntrei lyngba ka skim MGNREGS kum shi bynta ban rakhe iaka Water Conservation Day.

La pynbna ruh ba la jied iaka Wahsarang VEC ban ban shna iaka Community Nursery bad u DC ula aiti iaka work order sha ki nongialam VEC bad la thung ruh 200 tynrai ki dieng.

Haka shnong Mutong lyngba ka VEC jong ka shnong la thung 100 tynrai ki dieng cherry blossom.