La sdang iaka “Farm on Wheels” ha Laskeiñ Block

Syllad | The Rising MeghalayaSeptember 21, 2020

Ka Society for Urban & Rural Empowerment (SURE) ha ryngkat bad ka jingiatreilang bad ka North East Slow Food & Agro biodiversity Society (NESFAS) kila ioh ban plie iaka kali die jhur lane ka “Farm on Wheels” ha ka shnong Mulum kaba hap hapoh ka Laskein Block, West Jaintia Hills haka sngi Nyngkong.

Kane ka dei ka programme kum shibynta jong ka project ka ba ai kyrteng ka “No one shall be left behind: initiative” ba la bei tynka bad kyrshang da ka Rural Electrification Corporation, New Delhi.

Ka thong jong kane ka programme ka long ban ai lad ia ki nongrep ba kin ioh ban die ia ki jhur jong ki kiba ki ioh na ki kper sha ki nongthied da ka ba pynpoi ia ki jhur ha ki ïing jong ki bad ki ioh ban die beit na kper sha ki briew. Kane kan iarap ia kine ki nongrep ha ka ioh ka kot jong ki bad ha kane ka pyrthei COVID-19 kan iarap ba ki briew kin ym hap ban leit ieng lain sah iew ban thied jhur.   

U Ma Robinus Syngkon MDC ka thain kum u kongsan ula pyllait paidbah iaka kane ka kali die jhur haka jingdonlang u Brightstar Langbang, BDO ka Laskein Block, Secretary ka shnong Mulum ma Dicky Suchiang, Members  ka PGS group, ASHA, Agandwadi, Youth club bad ki nonghikai 

La don ka jingialang ha ing dorbar ka ba la pyniaid da ka Pasqualina Lamare kaba long ka Associate jong ka SURE, ha kaba kala pdiang sngewbha ia u Local MDC ba donburom, I BDO ka Laskein Block, Rev H.H Mohrmen,Secreatary ka SURE, Secretary shnong, Member jong ki PGS, SHG bad kiwei kiwei.

Ka Kong Hamsniawpher Suchiang, Convener ka PGS group kala iathuh shaphang ka jingsdang kane ka group, ki kam ba ki trei bad kala iathuh ruh shaphang ka community seed bank ba ki la buh hapoh ka shnong Mulum. Ka thong jong kane ka CSB ka long ban pynneh pynsah ia ki symbai tynrai khnang ba kim duh jait.

U HH Mohrmen, Secreatary ka SURE u la batai shaphang kine ki PGS group ha kaba u la ong kane ka dei ka sien ba nyngkong ba ka SURE ka la ioh ban plie kum kane ka lad ia ki nongrep, bad dang bun ki shnong ba ka SURE ka iatrei bad yn sa plie shen sha kiwei ruh. U la kren ruh shaphang ka Certificate ba la ioh da kine ki group. Kane ka certificate ka long ban pynsakhi ia ki mar jong kine ki group ba ki long ki mar ki ba rep khlem pyndonkam ia ki dawai.

U Dicky Suchiang, Secretary ka shnong Mulum ula pynpaw iaka jingsngewnguh ia ka SURE ba ka la jied ia ka shnong Mulum ban donlang ha kane ka project bad u la iathuh ia ki kam ba la dep leh ha ka shnong kum ka jingsdang ia ka kper skul, ki programme bapher bapher ki ba iadei bad ki khynnah skul, ki longkmie, ki khynnah samla, ka jingpynneh pynsah ia ki symbai bad kumta ter ter.

U Dr B.S Langbang, BDO Laskien Block, ula ong ba ha kane ka pyrthei jong ka technology ki nongrep ki dei ban pyrkhat thymmai ha ka liang ban pynleit iew ia ki mar jong ki, I la ong ba kum sha kiwei ki state, bun ki la sdang ban leh da ka online delivery. Ula ai nuksa ruh ba kine ki kynhun kin pyrkhat jngai bad ban sdang shwa ban die ha ki shnong ba markhap bad sa pyrshang shajngai. U la kren ruh shaphang kane ka khlam ha kaba ka jingleh khuid ka long ka ba donkam bha.

Haba die ia kine ki jhur da ka kali, ki nongdie ruh ki dei ban buh ia ka kyndon ba la buh da ka sorkar.

U Ma Robinus Syngkon, MDC kane ka thain haba kren kum u kongsan ula ong ba ka shnong Mulum ka dei ka shnong ka ba pynmih bha ia ki jhur ba bunjait naduh mynshwa. Ula ong ruh ba u sngewtynnad ba tip bad ha kane ka shnong kila don ki group kiba la ioh certificate kum ki nongrep organic ne ki PGS group. Ula ai jingmut ba dei ban pynbna bha ia kane ka kam khnang ba ki briew kin tip ba ha ka shnong Mulum ki don ki nongrep ba rep ia ki jhur organic.

Ia kane ka jingialang la pynwai da ki kyntien khatduh na I kong RiviancySuchiang I ba long I member jong ka PGS group.