La sdang iaka Oxy Bank paidbah ha Jowai

Syllad | The Rising MeghalayaJune 11, 2021

Ka Society for Urban and Rural Empowerment (SURE) kala pyntip ba kala sdang iaka People’s Oxy Bank ne ban buh iaki Oximeter, u kor jingthew iaka jingdon lyer oxygen haka met u briew.

Ka SURE kala sdang ia kane ka Oxy Bank ban iarap ia kino kino kiba donkam ia u Oximeter ha kum kane ka por ba wan lynsher ka khlam ban iarap ban thew iaka jingdon lyer oxygen ha ka met ki nongpang kiba iabit khlam. Ka SURE kala ai khublei ruh iaka kong Angela Rangad ba kila lah ban sdang ia kane ka Oxy bank da ka jingiarap jong ka.

Kino kino kiba kwah ban shim kylliang ia une u meter ki lah ban phone ha kine ki number ha Iawmusiang (M) 9436106317 and Ladthalaboh, (M) 9863918149.

Ka SURE kala pyntip ba don tang 10 tylli bad kino kino kiba donkam ban shim ki hap ban ai tang ka kyrteng, jaka sah bad ki phone number.