La sdang maramot iaka surok Rymbai Bataw Borkhat, sngewnguh ka JSU ia u Kyrmen Shylla

Syllad | The Rising MeghalayaFebruary 10, 2022

Ka surok Rymbai-Bataw-Borghat Road kaba la khohruh khohram bad kaba dap da ki thliew ki syar ha kine ki snem kiba la leit, hynrei mynta kala kylla dur hadien ka jingshimkhia u MLA ka Khliehriat uba long ruh u myntri sorkar ban maramot ia kane ka surok.

Ka jingmaramot ia kane ka surok kala iaid shait shait bad ki nongsong shnong kumjuh ka Jaintia Students’ Union, Southern Border Zone kila pynpaw iaka jingkmen bad ai khublei ruh ia u ma Kyrmen Shylla uba la shimkhia ban sngap iaka jingud jingnam u paidbah ban pynsuk iaka leit ka wan haka shitom shipa bad kumjuh ban pynpoi iaki mar rep mar riang sha ki iew ki hat.

Shuh shuh ka JSU kala maham ia ki trok kiba kit palat ia u pud khamtam ia ki trok kit rnga dewiong jong ka kawei ka karkhana kaba don ha Wah Deinling.

Pule | Yn shna noh iaka surok Sonapur Borkhat haka jinglut T.126 klur

Ka JSU kala ong ban kan shim ka sienjam kaba tyngeh lada lap ia kino kino ki trok kiba kit palat iaka jingkhia kaba la buh ka sorkar lyngba kane ka surok khnang ban iada ka jingjot ka surok ban myntoi u paidbah salonsar.