La shah ban plie dukan tim bad ki kam ialehkai bym iatakhuh met ha East Jaintia Hills

Syllad | The Rising MeghalayaJuly 27, 2021

U District Magistrate, East Jaintia Hills District, Bah E Kharmalki haka sngi Nyngkong ula pynbna ba ula shah ban plie dukan tim lai sien shi taiew bad la pyllait ruh iaki jingialehkai bym iatakhuh met kiba la ailad ka sorkar naduh Archery, Shooting, Cycling, fencing bad athletics nalor ka golf, lawn tennis bad badminton.

Ki dukan tim la ailad ban plie haka sngi Nyngkong, Balang bad Thohdieng.

Nalor kitei ki jait jingialehkai la ailad ruh ban plie iaki Gymnasium/ Yoga Institutes/ Fitness centre.

ki dukan Saloon bad Beauty Parlours ruh la ailad ba kin plie katkum ki kyndon bala buh ka sorkar.

Ki ophis skul kin plie 3 sien shitaiew da kaba pynduna nongtrei tang hapoh 30 percent.

Ki iew kiba shah ban plie ki kynthup iaka Khliehriat East & West, baroh ka iew Ladrymbai, Umpleng, Chiehruphi, Lumshnong, Sohkymphor, Sookilo, Saipung, Semasi, Jalaphet, Rymbai, Wapung, Sutnga, Bataw and Umkiang bad ki dukan shnong kiba pyniaid da ki Dorbar Shnong ne Market Committee.

Kine ki iew kin plie haka sngi Nyngkong, Balang bad ka Sngi Thohdieng naduh ka por 10 baje mynstep haduh 5 baje nohphaisngi.

Ym shah ban iaid na kawei ka district sha kawei ka district khlem ki pass bad kiba leh pyrshah kin shah pynshitom katkum ki kyndon jong ka aiñ.

Shuh shuh ki dukan hapoh shnong kin plie naduh ka por 2 Pm haduh 6 pm.

Kiwei kiwei ki jingpyrkhing kin neh kumjuh bad ki kam kiba la pyllait naka kyndon pyrkhing ban tem iaka jingpur ka jingpang khlam COVID-19