La shah ban pynlong kam iakhalai, plie skul ha sor Jowai bad kiwei
U District Magistor, West Jaintia Hills District haka sngi Palei ula pynbna paidbah ia ki kam kiba la shah ban sdang biang hapoh ka district baroh kawei.
Kine ki kam kiba la shah ki kynthup ban plie iaki hostel, jaka ri khynnah (crèche), ki kam ialehkai sports ha ki skul. Baroh kiba pyniaid ia kine ki kam ki dei ban bud ryntih iaki kyndon bala pynmih da ki tnad sorkar jong ka sorkar jylla ban iada naka khlam COVID-19.
Kiwei pat ki kam kiba la pyllait ban sdang ne ban pynlong ki kynthup iaka fete, iakop khwai dohkha, raffle draw, youth week bad ka kam pynmih pisa (fund raising).
La shah ban plie noh ia ki skul tang shibynta naduh klas I haduh klas V ha ki jaka sor da kaba bud ia ki kyndon bala buh ryntih ka tnad Education jong ka sorkar jylla.
Shuh shuh hadien bala hiar ka jingiabit ka jingpang khlam la pynjynsur noh iaki kyndon bala buh ka sorkar haka iing mane la shah ban iashimbynta haduh 75%, kumjuh ha ki jingialang niam, shnong bad ki jong ki riew shimet.
La shah ruh ia ki nongpeit kai ia ki jingialehkai sport ba pynlong sha madan (Out Door) ban wan haduh 75%.
La pynjynsur ruh ia ka jingkhang ia ki khynnah ba dang 10 ban mih sha bar, hynrei ki khynnah ki dei ban donlang bad ki kmie ki kpa haba ki leit sha bar. Hynrei ki riew rangbah, ki longkmie ba pun khun ban long kiba phikir ialade haba mih shabar.
La shah ban trei 100 naka 100 iaki nongtrei haki office private ne shimet.
Facebook
Instagram
Youtube
Twitter
Leave a Reply