La shah biang ban wankai ha Darrang Tourist Spot

Syllad | The Rising MeghalayaDecember 15, 2020

Ka Darrang Tourism Promotion and Development Society ha u kyrwoh bala phah da u Reachingson Kongwang ula iathuh baka Darrang kala plie biang iaka jaka jngohkai bad la shah ia baroh ban wankai sha Darrang.

Ka committee shnong bad u Dalloi ka elaka haka 11 tarik une u bnai kila rai bad pynbna paidbah ba la shah biang ban wankai ha Darrang Tourist Spot tang ia ki briew kiba napoh ka state, halor ka jingbud ryntih ia ki kyndon ba la pynkhreh da ka Society lyngba ki SOPs.

“Ka jingkhangdam kala ktah jur ia ka kamai kajih jong ki parashnong parathaw khamtam ki khun samla kiba ju mlien ban trei ha kane ka kam bad ka bor shnong hadien ka jingiatai sani bha ka la shah bad ai lad biang ia ka Society ban pyniaid ia kane ka kam na ka bynta ban pynim biang ka kamai kajih ki paitbah na ka kam jngohkai,” la ong u Reachingson

U Reachingson u la kyntu jur ia ki paidbah ba kin ai ka jingiatreilang bad ki nongpyniaid ia kane ka kam khnang ba yn lah ban lait na ka kynrum kynram hadien.