La shi snem ym don nonghikai Science ha Rymbai Govt Secondary School

Syllad | The Rising MeghalayaSeptember 26, 2023

Ka Khasi Student Union (KSU) East Jaiñtia Hills District Unit lyngba ka Education Cell hadien ka jingujor naki katto katne ki nongshong shnong ka shnong Rymbai ba ym don nonghikai Science la shi snem kynthih ha Rymbai Government Secondary School hadien ka jingshah pynkynriah kam ki nonghikai kiba juh don ha katei ka school

Ka KSU kala ong haduh mynta ka sorkar kam pat lah ban thung biang da kiwei ban long nonghikai ba pura. Kane ka long ka jingduh nong kaba khraw bha iaki khynnah khamtam ki ban pynkhreh iaka eksamin matric.

Ka KSU kala kyntu ïaka tnad ba dei peit ba kan shimkhia mardor halor kane ka kam khnang ba ki khynnah pule ha katei ka skul kin ïoh ïaka jing myntoi ba paka khamtam iaki khynnah ki ban pynkhreh iaka matric bad ka KSU ka dap da jing sngew bynniaw ba ki khynnah katei ka school ki la duh noh ia jinghikai ha ka Science subject tang na ka daw ba ka sorkar ba peit ia ka tnad pule kam shym la shim khia satia bad patiaw ia ki skul kiba don sha palat sor.

Ka KSU haba jurip ia kane ka skul haka sngi ba Ar, ka la lap ruh ba ki kamra klas ki la khapngiah sha ba palat pud. Ka KSU ka la kyntu jur ia ka sorkar ban shim khia mardor ban pynbiang ia ki nonghikai ha baroh ki subjects bad ki kamra klas ki dei ban long kiba kylluid.

Ka KSU kala kyntu ruh iaka sorkar ba ka dei ban pynkiew kyrdan noh (Upgradation) noh ia kane ka school sha Higher Secondary School namar haduh mynta ym pat don Higher Secondary School ha East Jaintia Hills bad na ka liang ka KSU ka tip ba ka lah don ka jingtyrwa kumba 3 snem mynshwa bad ka daw ka long ba ym pat tei iaka building bad ka seng ka lap ba iaka building lah jan dep hi ban shna bad ka sorkar ka dei ban phai khmat ha kaban pynkiew kyrdan ia katei ka Secondary school sha ka Higher Secondary School