La thaw da ka JAC ban pyntyllun iaka khaii pateng bad ka kit ka bah ki trok ha East Jaintia Hills

Syllad | The Rising MeghalayaNovember 16, 2024

Ban pyntyllun iaki kam ba iadei bad ka khaii pateng hapoh ka thain rilum Jaintia, ki Hynniew seng haka 16 tarik Naiwieng kila thaw da ka Joint Action Committee (JAC) haka jingialang kaba la long ha Community Hall Khliehriat West, East Jaintia Hills District.

Ki 6 seng ki kynthup ka East Jaintia Coal Supplier and Minerals Association, ka All Jaintia Cement Clinker Association, East Jaintia Hills Truck Owners and Transporters Association, East Jaintia Drivers Association, East Jaintia Limestone Supplier Association bad Jaintia Coal Miners and Dealers Association.

Katto katne ki nongkitkam ba hakhmat ki long President Justine Dkhar, General Secretary Soomeyo Sayoo, Treasurer Hambertus Nongtdu, Adviser Amos Dkhar bad Deibor Sungoh.

La thung ruh ia baroh ki President jong kitei ki hynriew seng kum ki Vice President, kumjuh ruh baroh ki Secretary kum ki Assistant Secretary jong ka JAC bad la jied ruh 33 ngut kum ki dkhot ka Executive Committee.

Kaba pynlong iaki hynniew seng ban thaw da ka JAC kadaw hi ka long namar ka jingdkhoh ha kiba bun bynta kaba wanrah iaka jingduh iaki nongkhaii bad ktah ka khaii ka pateng jong uba bun ba lang ba ju im da ka kam khaii ka pateng bad ka thong kaba hakhmat ka long ban khanglad iaka jingwan tuklar ki bor kiba na bar kiba ju wan ban shim kabu ban kamai spah da kaba suk na ri lum Jaintia kaba dei ka thain kaba ju pynmih buh bha ki mar pohkhyndew, ki mar rep mar riang nalor kiwei.