La thaw iaka COVID-19 Coordination Committee ha Nartiang Constituency

Syllad | The Rising MeghalayaSeptember 3, 2020

Hadien ba ka sorkar Jylla kala pynbna ba donkam ban thaw iaka Covid-19 Committee ban iakhun pyrshah iaka jingpur ka khlam COVID-19 ne Coronavirus, ka 1-Nartiang Constituency kala thaw ia kane ka committee mynta ka sngi.

Ia kane ka Covid-19 Coordination Committee la thaw haka jingialang lyngkot kaba la long ha iing Dorbar jong ka shnong Wahiajer haka jingiadonlang u MLA ka thain u Sniawbhalang Dhar.

U Ma Sniawbhalang Dhar, u MLA ka thain uba long ruh u myntri sorkar un khlieh ia kane ka committee kum u Chairman.

U Dr. M. Lamare kum u Secretary bad la jied ruh iaki lai ngut ki MDC ka JHADC ba kynthup ia u Thombor Shiwat CEM JHADC uab dei u MDC na Nartiang-Umladang, u Jesse Suiam MDC Modymmmai, u Dawan Lyngdoh MDC Mynsngat- Khanduli ban long ki dkhot.

Ki Waheh shnong pat ki kynthup ia u ma Kmen Shylla Waheh Shnong Wahiajer, u E. Pariat Waheh Shnong Mookyndur, u LP Phawa Waheh Shnong Mynsngat, u Y Nongspung Waheh Shnong Khanduli, u L Laloo Waheh Shnong Ummulong, u P Pyrphet na Lapangap, u Dr JC Rymbai bad u Dalloi Ka Elaka Nartiang u Hep Dhar.