La thaw iaka shnat treikam ka Kur Phawa-Siangshai ha Shillong

Syllad | The Rising MeghalayaJuly 29, 2024

Ban peit iaka bha ka miat ka kur ka jait, ka Kur Phawa-Siangshai, central body kala thaw iaka shnat treikam jong ka Kur Phawa-Siangshai Shillong Unit haka 27 tarik Naitung.

Ha kane ka jingplie ia kane shnat la iadonlang u ma Hilarius Siangshai, president, bad u ma Charles C Phawa, general Secretary ka Kur Phawa-Siangshai haka jingialang kaba long ha TYC Building, Laitumkhrah, Shillong.

U ma Charles C. Phawa, ula ong ba ka jingthmu ba plie iaka shnat ha ki shnong bapher bapher ka long na ka bynta ban lum ban lang ia ki khun ka kur ha man la ki shnong.

Hadien bala pynshai iaki jingthmu ka kur, da kawei ka sur kala rai ban plie noh ia ka shnat trei kam ka Kur Shillong Unit ha kane hi ka juh ka sngi bad la jied ruh iaki nongkitkam. U ma Shaniah Phawa la jied ia u kum u Chairman, u Nihipaia C. Phawa kum u Vice Chairman, ka Purity Phawa kum ka Secretary, ka Wanshwa Mary Phawa kum ka Asst. Secretary, ka Lily Mary Siangshai kum ka Treasurer bad 2 ngut ki Adviser, u Dr. K. Phawa bad ma A. Phawa.

Hadien ba ladep jied ia kine ki nongkitkam ba thymmai, la pynskhem ia ki da u General Secretary bad la ai ia ka Constitution bad ka lama jong ka Kur Phawa-Siangshai Shillong Unit kum ka dak ba ki la shimti ia ka kam ba la punshait ha ki.