La thung iaki flying squad ban khanglad iaka jingsam pisa por election ha SWKH

Syllad | The Rising MeghalayaMarch 19, 2024

U District Magistrate South West Khasi Hills, U Bah T Lyngwa ula pyntip bala thung iaki flying squad ban khanglad iaka jingsam pisa ban ioh vote ha kane ka elekshon Lok Sabha.

Ka Election Lok Sabha ha Jylla kan long haka 19 tarik Iaiong.

Ha ka appeal ne ka jingkyrpad kaba la pynbna da u district magistor, ula ong ba katkum ka jingbthah jong ka Election Commission jong ka Ri India, ka jingsam Pisa, kyiad ne kino kino ki jingai sngewbha sha ki nongthep Vote ka long ka jingbam klop bad beaiñ.

Ula pyntip ruh ba la thung ia ki Flying Squad ki ban peit bad khmih lada don kum kata ka jingsam Pisa, kyiad ne kino kino ki tiar ha kane ka por Election.

La kyrpad ruh ba lada don kino kino kiba rah bun Pisa ha kano kano ka Constituency ha kane ka por Election ki dei ban don ki kot ban pynshisha ia ka jingdonkam jong ki ban lait na ka jingshahkem.

Lada don ki jingpyrshang ban leh ia kitei ba la kdew haneng, ki paidbah ki lah ban pyntip sha kine ki phone number 03656296001