La wah banner pyrshah CAA ha kylleng ka Jowai
Ka jingiakhih ‘black day’ jong ka North East Students’ Organization (NESO) mynta ka sngi ban pyrshah iaka jingpynlong aiñ iaka Citizenship (Amendment) Act, 2019 kala long kaba iaid beit iaid ryntih.
La sakhi ia kane ha Jowai ruh ha kaba la wah iaki banner ha kylleng ki jaka paidbah kynthup ha Deputy Commissioner, Jowai.
Kane ka jingwah banner ha Jowai la pynlong da ki dkhot jong ka Khasi Students’ Union (KSU).
La wah ia kine ki banner ha surok Iawmusiang, Kiang Nangbah College, Ladthadlaboh, Dc Ophis Jowai bad kiwei kiwei ki jaka paidbah.
Sha kiwei kiwei ki district ruh la sakhi ba ki sengbhalang kila shimbynta shitrhem ban wah ia ki banner ban pynpaw iaka jingpyrshah kaba jur iaka aiñ CAA. Ha Ri Bhoi la wah iaki banner ha shilynter ka surok bah ha Nongpoh.
Ka NESO kala pynlong ia kane ka black day ha kylleng ki jylla jong ka thain Shatei Lam Mihngi ban pyrshah iaka sorkar kmie kaba mynjur iaka CAA.
Facebook
Instagram
Youtube
Twitter
Leave a Reply