La wan poi ki diengkhlam ka raij Mukhla ha madan Ryngkaw

Syllad | The Rising MeghalayaAugust 23, 2020

Ka Lehniam Behdeiñkhlam ka Seiñraij Mukhla ka la poi sha ka sngi kaba ar mynta ka Sngi U Blei (Mulong).

Ki khun ka Seiñraij Mukhla mynta ka step kila mih dangstep nala iing ban leit pom iaki dienkhlam na khlaw na ka bynta ban pynieng haka madan slot masi ne Madan Ryngkaw haka sngi Musiang (24/08/2020).

Na ki lai tylli ki dieng khlam la wan pynpoi artylli ha madan slot masi, u wei uba khamrit ban pynieng ha Madan Tihkhyndaw ha Wahshnong bad uwei pat uba kham heh ban pynieng ha madan slot masi bad ia uwei pat u dieng khlam yn wanrah lashai ka sngi da ki khun ka Seiñraij naka shnong Umlangshor Mukhla hashwa ban pynieng iaki ha Madan Slot Masi kaba dei ka Madan Ryngkaw kaba don ha Mukhla Nongrim.

Hadien jingwanrah iaki dieng khlam na khlaw kan don ka jingialang pyrkhat kam kaba yn pyniaid da u Langdoh Niam ha ryngkat ki Waheh Sankur bad ki khun ka Seiñ Raij Mukhla bad ki riew Rangbah kiba la dep ban jied kyrpang da ka Seiñ Raij Mukhla.

Ïaka lehniam Behdeinkhlam ka Seinraij Mukhla ka la sdang naduh haka 22-08-2020 da kaba bud ryntih iaki hukum jong ka sorkar ban iajngai iwei na iwei ryngkat ka jingdeng iaki mask.

La sdang iaka lehniam da ka jingialang ki Waheh Sankur ha ryngkat ki khun ka Seiñraij Mukhla kaba la pyniaid da u Langdoh Niam ka Raij Mukhla ha ryngkat ka jingai jingmut ki Waheh Sankur.

Ka phang ba la iakren haka jingialang ka long ban jied iaki briew ne ki dkhot na ki dong bapher bapher mar mar 2 ngut na ka bynta ba kin pom iaki dienkhlam (khnong Blai) 2 Tylli ha Mukhla Nongrim bad uwei ha Umlanshor Mukhla.

Ha shwa ban jied iaki rangbah la ioh iaki jingsneng jingkraw naki Waheh Sankur, na u Sangot, Waheh Langdoh, Waheh Suna, Waheh Sari, u Maji Niam u Chutia, Waheh Khrong 3 ïung bad na u Wailadmiki Shylla MLA Jowai Constituency uba long ruh u khun ka Seiñ Raij Mukhla.