La wan shaw ka Seiñraij Mukhla iaki dieñkhlam

Syllad | The Rising MeghalayaAugust 19, 2021

Ka jinglehniam Behdieñkhlam jong ka Seiñraij kala poi sha kaba sngi ba ar ha kaba ki khun ki raiot jong ka raij kila wan shaw iaki diengkhlam na khlaw haka sngi Balang.

Kane ka Behdieñkhlam kadei kaba la sdang naduh 17 tarik bad kan kut haka 20 tarik une u bnai. Haka sngi ba ar (18 tarik) jong ka Behdieñkhlam, ki khun samla ka Seiñraij Mukhla ki ia mih dang step na ïing ban leit pom ia ki artylli ki dienkhlam na khlaw ban wan rah ia ki sha ka madan ryngkaw ban pynieng ia ki.

Haka por shiteng sngi pat haka jingialam u Langdoh bad ki Waheh Sankur ki khun ka Seiñraij Mukhla kila leit rah iaki diengkhlam. U wei u dienkhlam u ba rit tam la rah ia u na khlaw bad la buh ia u ha madan tih kyndaw ha Wahshnong u ba long ruh u Khnong Blai. Ia uba kham heh pat la rah ia u bad la buh ia u ha Madan Ryngkaw ha slot Masi bad lashai yn wan rah sa u wei pat u Dienkhlam na shnong Umlangshor kiba long ki shong bri bad ia kine ki lai tylli ki dienkhlam yn pynieing ia ki lashai ka sngi 19 tarik (Musiang) ka ba long ka sngi kaba lai jong ka jinglehniam ia ka Behhdieñkhlam.

Hadien bala wanrah iaki diengkhlam, kumba long ka rukom kala don ka Dorbar Niam ka bala pyniaid da u Langdoh bad ryngkat ki waheh Sankur ha ryngkat bad ki khun samla bad rangbah ka Seiñraij Mukhla ban pynbeit iaki kam naka bynta ka jinglehniam haka sngi kaba lai ne ka Musiang.