Lada iathuh iaki kam ba bha ka NPP shisngi ruh um dep, ong u Sniawbhalang haka jubili ksiar ka Mukhla Raij UP School

Syllad | The Rising MeghalayaOctober 31, 2024

Bun ki briew ki lap khana tang iaki jingduna jong ka sorkar ba ialam da ka NPP hynrei kim ju lap khana pat iaki kam ba bha ba ka sorkar kala leh, ong u symbud Myntri rangbah ka Jylla Ma Sniawbhalang Dhar haba kren haka sngi pynhap pyrda iaka jinglehkmen dap 50 snem ka Mukhla Raij Upper Primary School haka 30 tarik Risaw.

Haba bteng iaka jingkren u Ma Sniawbhalang ula ong, “Ym don sorkar kum kane ka sorkar kaba mynta, tang hapoh 6 tylli ki snem kala leh shibun ki kam pynroi ban kyntiew iaka jylla bad lada iathuh shisngi ruh um dep bad ia kane phi la sakhi um donkam shuh ban batai”.

Nalor kata ula pyntip ruh ba ka sorkar kala dep ban mang 55 klur tyngka na ka bynta ka surok hapoh ka 2-Jowai Constituency bad ula pynbna ruh ban tei iaka Sports Complex haka shnong Mukhla kaba hapoh ka kyrdan jong ka Wahiajer Sports Complex.

“Nga la wan jurip iaka jaka ban tei iaka Sports Complex na ka bynta ka Mukhla Raij bad hapoh 5 snem phin sa iohi kaba kumno kata ka Complex ia mynta ngam pat iathuh namar nga kwah ba u MLA (Wailadmiki Shylla) un jop bunsien kum u MLA,” la ong u Ma Sniawbhalang.

Ka jingnang jingstad ka lah ban pynkylla iaka pyrthei, ong u Sniawbhalang Dhar haka Golden Jubilee ka Mukhla Raij UP Skul