Lahduh ka Cherrapunji Craft Gin napdeng ki 110 tylli ki brand na 55 ki ri hapoh London Wine Fair

Syllad | The Rising MeghalayaMay 24, 2024

Ka Cherrapunji Eastern Craft Gin, kaba dei ka jingdih (gin) ba la pynmih na Meghalaya, ka la wan ha ka kyrdan kaba nyngkong eh ha ka jingiakop ba la tip kum ka ‘Global Spirits Masters competition,’ kaba la long ha ka 21 tarik Jymmangi ha London, UK.

Ka Cherrapunji Craft Gin ba la shna da kaba pyndonkam lyngba ka um slap ka la lah ban pynrem noh ia ki 110 tylli kiwei pat ki brand na ki 55 tylli ki ri ka pyrthei ban wan ha ka kyrdan kaba nyngkong eh. Ia kane la lah ban pynpaw ha ka Wine Fair ha London, UK ha ka 21 tarik Jymmang, kata kaba la rah ruh ia ka nam na ka bynta kane ka thain lammihngi jong ka ri hapdeng ki ri ka pyrthei ha kane ka kam karkhana pynmih wine.

Ka jingiatreilang jong ka company master distiller bad ka kompeni na Holland, kane ka jingdih ka dei kaba la shna lyngba ki 12 tylli ki jait jingthung napoh ka thain shatei lammihngi jong ka India.

Naduh ki jingkhleh kiba kynthup kum ki Kaji nemu na Assam, Khasi Mandarin na Meghalaya, u slasha syang na Manipur, Cardamon na Sikkim bad Juniper na ka thain mihngi ka Himalaya, ka Cherrapunji gin ka dei ka mar kaba riewspah jong ka thain shatei lammihngi.

Ia mynta hi ia kane ka jingdih lah ban ioh ha Meghalaya, Assam bad Arunachal bad la pynkhreh ban pyllait paidbah shen ha ka thain shatei jong ka ri India. Mynta ka company ka dang phaikhmat ban shalan bad ka thup kaba nyngkong kan sa wan poi ha Europe ha une u bnai u ban wan. Kane ka dei ka sien kaba nyngkong ba ka brand na kane ka thain shatei lammihngi kan ioh ia kaba kum kane ka jingjop ha kane ka kam karkhana.

“Nga sngewkmen shibun ban iohi ha ka Cherrapunji Eastern Craft Gin kan poi ha ka kyrdan kaba hakhmat eh ha ka  Global Spirits Masters Competition kaba la long ha London. Ka jngpynmih ia kane ka brand napoh kane ka thain ka pynlong ia nga ba ngan don ia ka jingngeit ba ngin lah ban pynmih ia ka mar kaba bha tam na la ka jong ka thain,” ong u nongseng jong ka Cherapunji Eastern Craft Gin, u Mayukh Hazarika.