Lahduh ka ka St Anthony’s HSS Iewrynghep SS Roman Catholic Evening School, Mihmyntdu iaka State Level Subroto Cup

Syllad | The Rising MeghalayaJuly 30, 2022

Ki khynnah ka St Anthony’s Higher Secondary School, ki thei ka Iewrynghep Secondary School bad ka Roman Catholic Evening School, Mihmyntdu, West Jaintia Hills ki long ki lai tylli ki skul kiba la ioh ban rah ia ka nam lahduh jong ka State Level Subroto Mukherjee Cup Football Tournament kaba pyniaid da ka tnad Directorate of Sports & Youth Affairs jong ka sorkar jylla.

Ha ka jingiakhun ia ka phainal kaba long haka sgi Saitjain ha madan ialehkai Artificial Football Turf jong ka SAI, SAG ba don ha NEHU, haka phainal jong ka U-17 ki khynnah shynrang, ka kynhun ialehkai jong ka St Anthony’s HSS ki la lah ba kin pynliem noh ia ka Sibsingh Memorial Govt. HSS (WKH) da 1-0 bad ia kane ka kol la thep ia ka da u Blanangshngain Khongsdam (11).

Haba phai pat sha ka resol ka U-17 ki khynnah kynthei, ka kynhun ki thei ialehkai jong ka Iewrynghep Secondary School ki la lah ban pynliem noh ia ki thei ialehkai jong ka Sati Raja S.S.(Ribhoi) da 2-1.

Ia ki ar kol ka Iewrynghep SS la thep ia ki da Maijingsuk Basawiamoit (17) bad ka kol kaba ar la thep da Makrisha Songthiang (50), ia ka shi kol ka Sati Raja pat la thep ia ka da ka Kynrohbaskhem Shylla (13).

Haba phai sha ka jingiakhun ka U-14 ki khynnah shynrang, ka Roman Catholic Evening School, Mihmyntdu, West Jaintia Hills ka la lah ba kan pynliem noh ia ka New Nongstoin S.S. (WKH) lyngba ka tie breaker da 4-3.

Ha kaba kut jong kane ka jingiakhun ka la don ruh ka jingsam ia ki khusnam ba kyrpang bad ki rang bad thei ialehkai ba la ioh ban khur ia kine ki khusnam:

Under-14 Years Boys iaka nam Best Goal Keeper: Idamayalang Pyrtuh, Player of the Tournament: Richanmi-O Lyngdoh kiba ka Roman Catholic Evening S.S, West Jaintia HIlls District.

Under-17 Years Girls ia ka nam Best Goal Keeper: RibansiJamu naka Sati Raja Sec. School District- Ri-Bhoi, Player of the Tournament: Makrisha Songthiang, Iewrynghep Sec. School District- East Khasi Hills

Under-17 Years Boys ia ka nam Best Goal Keeper: Banshaibok Sohshang naka Sib Singh Memorial Govt. HSS, West Khasi Hills, Player of the Tournament: Chibaitki Pamthied na ka St. Anthony’s HSS, East Khasi Hills District.

Kongsan ba la wan ban sakhi lang ia kane ka jingiakhun phainal ka Subroto Cup dei u Dr Vijay Kumar D (IAS) Commissioner Secretary Sports & Youth Affairs, kong WAM Booth Director ka tnat Sports, ryngkat ka jingiadon lang u working president bad general secretary ka Meghalaya state Olympic association bah John F. Kharshiing bad u bah Finley L. Pariat, u Asst Director ba la shongthait ka tnat sports bah Hering Shangpliang, Principal St Anthony’s HSDS Fr Anthony Kharkongor, ki DSO, ki coach, PTI jong ka tnat Sports, nangta ki khynnah skul kiba la wan ban Kyrshan bad ai mynsiem ia la ki para khynnah ba la mih madan ban iakhun ban ioh rah ia ka nam lahduh.