Lahduh ki hep barit ka Rangdajied United FC bad All Stars FA ïaka ENE Cup

Syllad | The Rising MeghalayaMay 7, 2022

Ki hepbarit ka Rangdajied United FC bad ka All Stars FA ki la ioh ba kin rah ia ka nam kum ki lahduh ka U-10 & U-12 ENE Cup ba la long hapoh ka shnong Umtyrniut.

Ha ka jingiakhun ia ka phainal ba la long haka sngi Saitjain, haka jingiakhun ia ka U-10 ki khynnah rit ka Rangdajied United FC ki la lah ban pynliem noh ia ka ENE da 4-3, bad ha ka kyrdan iakhun ka U-12 ki khynnah jong ka All Stars ki la lah ban pynliem noh ia ka Them Rangshken Area da 3-2 kol.

U kongsan ba la don lang ban sakhi ia kine ki artylli ki phainal dei uwei na ki khlur ialehkai kaba ka nam ba dka kyrteng ka jonjg u ka iai suhisien sah haduh kine ka juk ba mynta, katta u bah Agustine Kharkongor, bad ba la nang pynshit pynshngain shuh shuh da ka jingdon ki rang ialehkai ba kynsai ka jylla ba iakhun ha ka ISL kum u Aiban Dohling, Redeem Tlang, u rang ialehkai ha ka lympunbg jong ka I. League u Samuel Shadap, nangta u Aiborlang Khongjee bad u Aibanjop Shadap, u Rangbah Shnong bad u Lyngdoh ka hima, ba dkhlem da klet ruh ban pynpaw ia ka jingdon lang ka jong u nongpynlong ia kane ka lympung katta u bah Eugeneson Lyngdoh MLA ka Mawphlang Constituency bad kumjuuh u treasurer ka Meghalaya Football Association u bah Wanshan Kharkrang.

Kaba pynshon jingmut palat ia kane ka lympung ka long ba ka rukom ban pynkhreh pynkhrum pynbit pynbiang ia kane ka lympung ki hep barit ba la poi ban iashim bynta ha kane ka lympung ka long thik kumba long ha ka kyrdan ialehkai ka I. League ne ka Indian Super League, ha kaba ki khynnah haba ki ialehkai, la ithuh shai ba u bah Eugeneson u la bsut ha ki ia katta ka mynsiem ban pynsngew ia kine ki hep barit ba ki ruh ki ialehkai kum kine ki lympung.

Ha kaba kut jong ka jingiakhun ka la dei pat ka pali jong ka jingsam ia ki khusnam bad ki takma sha ki kyjnhun ba la iakhun ia ka phainal bad ban bynrap ruh da ka jingai sngewbha da ki sopti phong ne t-shirt na kawei ka kompeni pynmih jain phong ialehkai.

U kongsan ha kane ka sngi u bah Agustine, na ka pla u la noh synniang rtuh ia ka khusnam pisa, katba ki khusnam ba shimet ba la ioh ban sam ka long ba ha ka kyrdan jong ka U-10, ka nam  Promisiing Plkayer ba la noh synniang da u Aiban Dohling ka leit sha u Namebadonbok Rynjah ka Marbisu Sc, Top Scorer ba la noh synniang da u Redeem Tlang la  rah ia ka da u  Habankara Blah jong ka ENE, ka nam besty goalkeeper ba la noh synniang da u rang ap kol jong ka ri u Gurpreet Singh Sandhu ka leit sha u  Mewankynsai Byrsaw ka Mawngap Sehlung, bad ka nam best player ba la noh synniang da u rang ialehkai ba la pawnam ba dei ruh u kapten jong ka India u Sunil Chetri ka leit sha u Lawankitdor Kharkongor ka Rangdajied United FC.

Haba phai sha ka U-12, ki khusnam ba kyrpang ka long promising player ka leit sha u Aitenjoy Nongkhlaw jong ka Kickstart Football Academy, Top Scorer Damanbha Kurbah ka Mawngap Sehlung,  best goalkeeper Bawanshwa ka All Star Football Academy bad best player ka leit sha u Rikibok Khongsit ka Them Rangshken ACC, Discipline Team MAWNGAP Sehlung  SC.