Lahduh ka samla na Mawlai ha ka iakop mareh Vedanta Delhi Half Marathon

Syllad | The Rising MeghalayaOctober 21, 2024

Ka samla Balasiewdor Pathaw kaba shong ba sah ha Mawlai Nonglum, Shillong ka la jop ha ka kyrdan kaba nyngkong ha ka jingiakob mareh thong ba 10 Km ba la tip kum ka Vedanta Delhi Half Marathon kaba la long hynne ka sngi 20 tarik Risaw 2024 ha ka nongbah Delhi.

Kane ka samla kaba dei na ka shnong Nongthliew bad kaba dang pule ia ka BA 1st Semester ha Shillong College ka la ioh ia kane ka jingjop ha ka jingleit iashim bynta kaba nyngkong eh ha ki rynsan ia mareh thong kiba shabar na la ka jong ka shnong bad Jylla.

Kane ka jingjop ka dei ka jingiakhun hapdeng ki nongiamareh thong kiba hapdeng ka rta 15 haduh 24 snem ha kaba kane ka samla ka la lah ban pyndep ia kane ka jingmareh ha ka por 42:47 minit.

Kaba wan ba ar ha kane ka jiingkob ka dei ka Urvashi Sharma kaba la pyndep ha ka por 42.54 minit bad kaba wan ba lai ka dei ka Vidyashree Mahadevan kaba la pyndep ha ka por ba 46:58 minit.