Lahduh ka Wolf haka aiom ialehkai ba ar IWC Rymbai,

Syllad | The Rising MeghalayaNovember 6, 2021

Ka kynhun jong ka Wolf kala long ka lahduh haka lympung ialehkai football ka Iawpynsin Welfare Club (IWC) League Season 2 hadien ba kala pynliem da 2-1 iaka kynhun jong ka Dragon haka jingiakhun final kaba long ha madan Iawpynsin Rymbai hynnin ka sngi Thohdieng.

U Nidamon Chullet, Working President National People’s Party (NPP) Jaintia Hills ula long u kongsan bad sam iaki khusnam sha ki nongjop.

Kiwei kiba iadonlang ki kynthup ia u MDC ka thain u Finelyness Bareh, Tuesday Lytep u nongialam ka FKJGP bad uba long ruh u waheh chnong Shangpung Khliehmynshut bad u Devender Bansal, Resident Director Star Cement.

U kongsan haba kren ula pynshlur iaki samla ban shim iaka jingialehkai football kum ka kam namar ba mynta ka jinglehkai football hi ka dei ka karkhana ban ai kam aijam iaki samla samhoi kiba tbit.