Lai sngi ai por ka KSU iaka SBI Umsning ban pynbiang iaki ATM
Ka Khasi Students’ Union (KSU) Umsning Circle ha ka jingialam u President u Samla Lester Nongbet nalor kiwei pat ha ryngkat ki dkhot ka lah leit iakynduh bad phah syndon da ka jingthoh sha u Manager ka SBI Umsning branch halor ka jingbym treikam thikna ki Automated Teller Machine (ATM).
Ka KSU Umsning circle ka la shim ia kane ka sienjam hadien ba ka lap ia ki jingdkoh jong ki machine ban aijingshakri ia u paidbah bad kita ki long halor ka jingheh jong ka area ba ka SBI Umsning branch ka hap khmih kaba kynthup ia 260 tylli ki shnong bad ka jingbun ka jingbun briew.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka KSU ka la ong ba ki ATM ba jan tam na Umsning ki kynthup ia ki ATM ha Nongpoh bad Umiam ba jngai haduh da ki 30 KM bad 22 KM, bad shuh shuh ka jingbym lah ban shakri pura ka ATM ha Umsning ha ka rukom kaba dei ka la ktah jur ia ki paidbah kiba wan na jngai kiba hap ban pynlut ia ka bai kali hynrei han shem ia ki ATM ki bym treikam satia.
Kumta halor kane ka KSU Umsning Circle ka lah ai da ka jingthoh bad ai por lai sngi ban leh ia kaba donkam lem kumta ka Seng kan shim ia ka sienjam ban khang tala syndon ia kane ka Branch ha Umsning.
Leave a Reply