Lait phet u Shidorki, I Love You bad 4 ngut ki runar nongpyniap bad nongrah bor na Jowai District Jail

Syllad | The Rising MeghalayaSeptember 10, 2022

U I Love Talang uba shah kynnoh donkti ban pyniap iaki ar ngut ki nongniah kali kamai ha ryngkat bad 5 ngut ki koidi kila lait phet da kaba suk na Jowai District Jail haka sngi Saitjain

Ki Pulit kila iathuh ba kane ka jinglait phet ki runar haka jingpyniap iaki ar ngut ki nongniah kali kamai bad 5 ngut kiwei ki koidi kala jia haka 1 PM.

U I Love You bad u Ramesh Dkhar ki dei kiba shah kem dang shen halor ka jingshah kynnoh ban pyniap ia u Damehipaia Papeng bad Fullmoon Kharsahnoh ha u bnai Nailar jong une u snem.

Kiwei kiba lait phet ki dei u Rikmienlang Lamare, Marsanki Tariang, Lodestar Tang, Shidorki Dkhar.

Ki pulit marsien kane ka jingjia kila pynlong iaka jingthwet bad la pynap pahara ha kylleng ki thanad mar mar.