Lait thaw ka bus Umrangso Shillong naka jinghap sha synrang

Syllad | The Rising MeghalayaJuly 14, 2023

Ka jingjia aksident kali kaba la jia haka step sngi Thohdieng hapdeng ka trok bad ka bus kamai Umrangso Jowai Shillong kala wanrah ka jingmynsaw jong kiba bun ki nongshong kali, khamtam u nongniah ka bus. Ha kane ka jingjia aksident ka bos kala lait thaw na ka jinghap sha synrang wat hadien ba ka bynta ba shadien jong ka kala poi shabar ka surok.

Kane ka la jia iatakhuh kali kala jia haka shnong Khonshnong hajan ka shnong Iooksi, West Jaintia Hills. Kane ka bos ka dei kaba don u register number ML05 W 3993 bad ka trok pat ka dei uba don ia u number AS 01 PC 7426 kaba kit dewbilat.

La iathuh ba ki nongshong kali ba shong haka bus bun kila mynsaw khamtam u nongniah namar ka jingiatakhuh ka dei na ka liang jong u.

Naka liang ki nongialam shnong, nongshong shnong Khonshnong kiba hap haka thain Iooksi Saphai marsien tip ia kane ka jingjia kila leit ban ai jingiarap bad pynkit noh mar mar ia kine ki nongleit nongwan kiba la mynsaw sha ki jaka ia jingsumar.