Lait thaw ka toll gate ha Ialong, shah kem ar ngut kiba thmu pynbthei bom

Syllad | The Rising MeghalayaMarch 4, 2021

Ar ngut ki briew kiba thmu ban pynbthei iaka toll gate ha Hynniawmer, Ialong kila shah kem ha ki Pulit jong ka East bad West Jaintia Hills District haka sngi Balang.

Ia kine ki briew la kem na Wah Gate, Jowai bad la ioh kurup ruh na 5 tylli ki bakhor dynamite (Gelatines Stick), 10 tylli ki tikli (detonator) bad ki fuse wire.

U Assistant Inspector General of Police (A), Shillong, GK Iangrai, ula ong ba la suba jur ba kine ki arngut ki briew ki thmu leh ki kam pyntriem bad ban pynbthei ha khyrdop toll gate.

Halor kane ka jingjia ki pulit kila register case ha Jowai Police Station bad ka jingtohkit kala iaid shakhmat.