Lap ka committee ki san seng ba jot tasam ki skul sorkar ha Nartiang

Syllad | The Rising MeghalayaApril 26, 2021

Ka Nartiang Modop Coordination Committee kaba kynthup iaki san tylli ki sengbhalang JSM, JSU, HNYF, MPUF, KSU bad FKJGP kila lap ba jot tasam ki ar tylli ki skul ha Nartiang bad Nartiang Modop.

Ia kane kine ka committee kala lap haka jingjurip iaki skul ha ka thain Nartiang haka 22 tarik une u bnai. Kine ki ar tylli kiba jot rathai ki kynthup iaka Nartiang Pohshnong Govt Lower Primary School bad Nartiang Modop Lower Primary School.

Hadien ka jingwan jurip ka Coordination Committee ka la leit iakynduh ïaka Sub Divisional School Education Officer (SDSEO), West Jaintia Hills District bad ai ruh da ka jingthoh ban shna iaka ïing skul jong kine ki ar skul, ban pynbiang ki kamra klass bad paiñkhana, ban pynbiang ki ben ki shuki, ki Black board bad kiwei kiwei jingdonkam.

Nalor kata la dawa ban pynbiang nonghikai ha kine ki ar skul.

Kane ka committee kala kam bad ka SDSEO kala pan por shitaiew ban ïakren halor kane ka kam.

Shuh shuh ka School Managing Committee jong ka Nartiang Pohshnong Govt Lower Primary School ruh mynshem snem ka la buh da ka jingthoh sha ka SDSEO ban dawa pynïoh da ka ïingskul bathymmai hynrei haduh mynta kam don kino kino ki dak ki shin ban shna ia ka skul kaba la jot rathai kaba la kylla iing jah.