Lap ka JSM ba bun ki bar jylla ba khaii pateng khlem kot khlem sla ha Jowai

Syllad | The Rising MeghalayaOctober 10, 2022

Ka Jaintia Students’ Movement (JSM), Jowai Circle kala pynlong iaka jingkhynra kot sla iaki bar jylla kiba shong die jingdie ha Iawmusiang, Jowai haka sngi Nyngkong.

Ha kane ka jingkhynra ka JSM, kala kam ba kala lap ba bun ki bar jylla kiba die jingdie ha Iawmusiang kim don iaki kot ki sla kiba biang kiba dei ban ioh na JHADC kum ka trading license bad kiwei kiwei. Kine ki bar jylla kiba die jingdie ha surok ne madan dei kiba shong die naduh khmat DC ophis haduh Iaw Shyiap.

Ka JSM kala maham ia kine ki bar jylla ba lada ka lap biang ba ki shong die beaiñ khlem ki kot ki sla ba biang kan leh da kaba tyngeh.

Halor kane ka jingioh lad ki bar jylla ban shong die jingdie ne khaii pateng ha sor Jowai, ka JSM kala pynpaw iaka jingsngewkhia bad kynthoh ba ka dei ka jingtlot ka JHADC kabym shym la shimkhia ban khanglad iaki bar jylla bad kila ioh leh mon bad khaii pateng khlem kot khlem sla.